الفرشة وخطورتها على نجاح الدورة

اهلا وسهلا

السلام عليكم ورحمة اللة وبركاتة 

https://www.facebook.com/allsallamForfoodpackagingandpoultryfattening?ref=hl

النهاردة حنتكلم عن شىء مهم جدا بالنسبة لمربى الدواجن وهو فرشة العنبر 

طبعا البداية السليمة تعنى نجاح بأذن الله وتعالوا نبدء .

بعد التطهير الجيد بنبدء فى فرش التبن او النشارة وطبعا شىء مهم لازم 

نراعية اننا نفرش العنبر كلة .

طب لية ؟؟؟؟

https://www.facebook.com/allsallamForfoodpackagingandpoultryfattening?ref=hl

لان الغبره بتاعت التبن او النشاره بتأثر على الجهاز التنفسى للطير ودة 

سبب لكل بلاء خلال الدورة وطبعا قبل الفرش انت حر فى رش طبقة جير 

من عدمة دة حسب تعودك وعموما الجير من المطهرات المعروفة

وعدم فرشة لا يضر بمشيئة الله .

فرشنا النشاره او التبن لازم نهتم جدا بتوزيع التبن او النشارة توزيع جيد 

بواسطة مساحة ونحاول نتلاشى اى منخفضات او ارتفاعات بالفرشة 

وطبعا دة لمنع حدوث اى جيوب حرارية .

بعد الانتهاء من تسوية الفرشة بنرش فيركون اس على التبن او النشارة 

وحوائط العنبر والسقف ودة اجراء احترازى لاننا منعرفش ظروف الفرشة اية .

ونختار بعد كدة المكان اللى حنحضن فية وطبعا قبل وصول الكتكوت بساعتين 

تقريبا نحاول نشغل الدفايات عشان الفرشة تأخد حراره المكان وتبقى جاهزة 

لاستقبال الكتكوت .

https://www.facebook.com/allsallamForfoodpackagingandpoultryfattening?ref=hl

ودلوقتى نشوف ازاى نقيم فرشة العنبر 

ازاى اقيم الفرشة

عن طريق مقياسين

1- رطوبتها

2 - حرارتها

لو اتكلمنا عن رطوبتها او جفافها هنقول

ان الرطوبة الزايدة بتعمل مشاكل كتير الكل عارفها (كوكسيديا - كلستريديا - اسهالات متنوعة))

والجفاف الزايد بردة بيعمل (كولاى)

https://www.facebook.com/allsallamForfoodpackagingandpoultryfattening

حرارتها

افضل حرارة للفرشة من 25 الى 30 خاصة فى اول العمر

ومن اهم اضرار حرارة الفرشة هى سهولة نقل الامراض عن طريقها كمان قلة التحويل كمان عمل تفاوت فى الاحجام ( السرده )

https://www.facebook.com/allsallamForfoodpackagingandpoultryfattening

من اهم فنيات الفرشة

هى استوائها عند فرشها منعا لما يسمى بالجيوب الحرارية اللى بتتسبب فى ظهور الاصوات التنفسية بدرى وبتظهر السردة او تفاوت فى الاوزان

الفرشة ليها اهم دور فى خروج دجاج جيد اللحم خاالى من الكدمات والملوثات

من الاختبارات الحقلية للكشف عن رطوبة الفرشة

انك تمسك شوية منها فى قبضة ايدك واضغط بقوة وافتح ايدك بعدها لو الفرشة اللى فى قبضتك اتجمعت يكون دى رطوبتها عالية

لو القبضة نزلت مفرولة جدا وتركت اثر فى ايدك من اتربة ناعمة جدا وبردة وانت بترميها عملت غبرة او اتربة دى بتكون ناشفة جدا وكدا احتمال الاصابة بالكولاى قريب جدا مع اول اجهاد او استرث

https://www.facebook.com/allsallamForfoodpackagingandpoultryfattening

اما لو القبضة دى وسط بين الامرين واقرب الى الجفاف فبكدا بتكون الفرشة على افضل حالتها

ملحوظة هامة

توزيع الاضاءة لة علاقة بالفرشة

بمعنى لو التوزيع مش منتظم فتكون الفرشة متسخة ومرطبة فى اماكن الانارة اكثر منها فى اماكن الخافتة فى الاضاءة

العليقة المتوازنة مؤثرة جدا على الفرشة طبعا علشان الجهاز الهضمى واسهالاتة

https://www.facebook.com/allsallamForfoodpackagingandpoultryfattening

التهوية مؤثرة جدا على الفرشة وكلنا عارفين كدا

بس افضل نظام تهوية يحافظ على الفرشة هو انخفاض مستوى سرعة الهواء للاقتراب من الفرشة علشان ينشفها .

                                                                 م/عاطف عبدالدايم

                                                   دمتم بخير

                                                  المقال تجميع وتنسيق وصياغة صفحة 

                                                    آل سلام لتعبئة المواد الغذائية ودواجن التسمين